सोमवार, 4 अप्रैल 2016

जन्मदिन के बधाई महेन्द्र देवांगन माटी


जन्मदिन के बधाई
महेन्द्र देवांगन माटी

---------------------------------------------
छत्तीसगढ़ के कोरा म जनमें
तोर बर सरग हे ये पावन माटी
जन्मदिन के बहुत बहुत बधाई
हमर गुरूजी महेन्द्र देवांगन माटी

राजिम के तीर म गांव बोरसी 
उहें तोर जन्म अऊ नेरूआ गड़े
पवन दीवान जी के सान्निध्य पाये 
अऊ साहित्य के क्षेत्र म आघू बढ़े

छै अप्रैल के आये ये धरती म
महतारी भाखा म अलख जगाये
बनके गुरूजी प्राईमरी स्कूल म
गियान के सुग्घर दीया जलाये

हमर महतारी बोली भाखा मे
कविता लेख कहानी बगराये
राजिम ले पंडरिया पूरा परदेस म
छत्तीसगढ़ी भाखा ल महकाये

तै हमर साहित्य के साधक
माथ म चंदन सहिन चमके माटी
हमर मया दुलार प्यार मिले अपार
जुग जुग जियव महेन्द्र देवांगन माटी 

-----------------------------------------------
रचना - देव हीरा लहरी
चंदखुरी फार्म रायपुर
मोबा :- 09770330338
devlahari.blogspot.com
--------------------------------------------